ആറന്മുളയുടെ തിരുശേഷിപ്പുകള്‍
4 reviews
ആറന്മുളയുടെ സാംസ്‌കാരിക പൈതൃകം അന്വേഷിക്കുന്നവര്‍ക്ക്‌ ഒഴിവാക്കാന്‍ കഴിയാത്ത ഒരു ഗ്രന്ഥമാണിത്‌. പൊതുപഠനമാര്‍ഗം സ്വീകരിച്ച്‌ രചിച്ച ഒരു പുസ്‌തകമാണ്‌ ബാബു തോമസിന്റെ ആറന്മുളയുടെ തിരുശേഷിപ്പുകള്‍. പത്രപ്രവര്‍ത്തകനും സാഹിത്യകാരനുമായ ബാബുതോമസിന്‌ ആറന്മുളയുടെ സംസ്‌കാരപഠനം സ്വന്തം വേരുകള്‍ തേടല്‍ കൂടിയാണ്‌. അതിനാല്‍ ഈ ഗ്രന്ഥത്തില്‍ നിറഞ്ഞുനില്‍ക്കുന്നത്‌ ആത്മാര്‍ത്ഥതയാണെന്ന്‌ വായനക്കാര്‍ ആദ്യം ശ്രദ്ധിക്കുക. ആറന്മുളയെക്കുറിച്ച് അറിയേണ്ടതെല്ലാം ഈ പുസ്‌തകത്തിലുണ്ടാകണമെന്ന്‌ ഗ്രന്ഥകാരന്‍ ആഗ്രഹിച്ചിട്ടില്ല എന്ന്‌ സ്‌പഷ്ടം. എന്നാല്‍ ആറന്മുളയെപ്പറ്റി പ്രസിദ്ധീകൃതമായിട്ടുള്ള ഗ്രന്ഥങ്ങളെല്ലാം പരിശോധിക്കുന്നതായി കാണാം. ബാബു തോമസിന്റെ അന്വേഷണ തൃഷ്‌ണയേയും അശാന്ത പരിശ്രമത്തെയും അഭിനന്ദിക്കുന്നു.
